Ҳаммамиз ҳам ҳар бир кунимизни хурсандчилик билан ўтказишга интиламиз. Яхшиямки олимлар бунга эришиш йўлларини излаб топди.
Қандай қилиб бахтлироқ бўлиш мумкин?
Ўтказилган тадқиқот натижаларидан маълум бўлишича, одамни ижодкорлик бахтли қилар экан.
Ўзингизнинг кайфиятингизни яхшилаш, ғайратингиз, иштиёқингиз ва яшашга бўлган қизиқишни ошириш учун ҳар куни бирон бир ижодий иш бажаринг.
Тадқиқот пайтида олимлар 13 кун давомида 658 нафар талабадан уларнинг ҳаётида юз берган воқеаларни ва ўзларининг ҳиссий ҳолатларини ёзиб боришни сўради. Тажриба қатнашчиларининг ёзувлари таҳлил қилингандан кейин улар бирон бир ижодий иш қилган кунлари ўзларини бахтлироқ ҳис қилгани маълум бўлди.
Талабалар орасида энг кенг тарқалган ижодкорлик турлари қўшиқлар, шеърлар, кичик ҳикоялар ёзиш, крючок ва спицада тўқиш, янги таомлар тайёрлаш, расм чизиш ва мусиқали чиқишлар эканлиги аниқланди.
Бу тадқиқот алоҳида эътибор қаратишга лойиқ бўлган яна бир қизиқ натижани кўрсатди.
Қатнашувчилар ўзларини нафақат ижодий вазифаларни бажариш чоғида, балки ундан кейинги кун ҳам бахтлироқ ҳис қилган.
Бу, ижодкорлик одамнинг кайфиятига ва саломатлигига узоқ муддат давомида ижобий таъсир кўрсатишини билдиради.
Агар сиз ўзингизни ижодкор деб ҳисобламасангиз, унда нима қилиш керак?
Агар сиз ўзингизни ижодкор деб ҳисобламасангиз, бахтсиз ҳаёт кечиришга маҳкум эканман деган хулосага келишга шошилманг. Бунинг оддий, лекин самарали усули бор: катталарга мўлжалланган расмларни ранг-баранг қилиб бўяш.
Охирги йилларда бундай бўяш ишлари жуда оммабоп бўлиб кетди, чунки улар стрессдан халос бўлишга, ижодий фикрлашга ва кайфиятни яхшилашга ёрдам беради.
Ва бу ижодий ишларнинг бир тури холос. Ўзингизга ёқадиганини излаб топинг ва ижод қилишни бошланг.
Манба: «Лайфхакер»
Изоҳ (0)