Айбини тан олмаган Соипов, КХДРнинг АҚШга етиб борадиган ракетаси, озодлик учун 1 млрд тўлаган шаҳзода ва куннинг бошқа муҳим хабарлари

29 ноябрнинг эътиборга молик янгиликлари — «Дарё»нинг кечки дайжестида.

1. Шавкат Мирзиёев: «Очиқ тан олиш керакки, биз ўз олдимизга қўйган, эл-юртимиз кутаётган натижаларга ҳали тўла эриша олганимиз йўқ». Президент куни кеча ҳукумат таркибида жиддий ўзгаришларни амалга оширди. Бунинг натижасида, Шерзод Шерматовнинг айтишича, ҳукуматдаги «умидчилар» сони тўрттага етган.

2. Нью-Йоркда теракт уюштиришда айбланган Сайфулло Соипов судда айбини тан олмади. У 8 та қотиллик, 12 та ўлдиришга уриниш, ИШИДга кўмак, зўравонлик ва транспорт воситасини шикастлашда айбланмоқда.

3. Шимолий Корея 2,5 ой давом этган «сукут»дан сўнг яна баллистик ракета учирди. КХДР томони баёнотига кўра, янги ракета АҚШнинг исталган нуқтасига етиб боришга қодир.

4. Ҳибсга олинган саудиялик шаҳзода Митеб бин Абдулла 1 млрд доллар эвазига озод этилди. Қачонлардир тахтга етакчи даъвогар деб ҳисобланилган саудиялик шаҳзода ҳукумат билан «мақбул битим»га эришди.

5. «Кобул—Тошкент» йўналиши бўйича илк парвоз амалга оширилди. Авваллари Кобулдан Тошкентга Истанбул ёки Дубай орқали 17 дан 32 соатгача вақт сарфлаб учиб келинган боʻлса, энди атиги 1,5 соатда етиб келиш имкони бор.