«Ўзбекистон Республикаси Конституцияси қабул қилинганлигининг 25 йиллиги муносабати билан турли соҳаларда фаолият юритаётган ёшлардан бир гуруҳини «Ўзбекистон белгиси» кўкрак нишони билан тақдирлаш тўғрисида» Ўзбекистон Ёшлар иттифоқи Марказий Кенгашининг қарори эълон қилинди. Қарор матни ва совриндорларнинг тўлиқ рўйхати ЎзАда келтирилди.
Миллий маънавият, маданий мерос ва умуминсоний қадриятлар негизида юксак ватанпарварлик, халқпарварлик, фидойилик туйғусини ва меҳнатсеварлик фазилатларини ўзида мужассамлаштирган, Ватан обрўси, шон-шуҳрати ва шарафини юксалтиришга ҳамда унинг халқаро нуфузини оширишга хизмат қилаётган, мамлакатнинг ижтимоий-сиёсий ҳаётида фаол иштирок этиб, намуна кўрсатаётган ёшлар «Ўзбекистон белгиси» кўкрак нишони билан тақдирланади.
Кўкрак нишони билан тақдирланганлар орасида Murad Buildings хусусий корхонаси директори Мурод Назаров, Халқаро бизнес ва технология ассоциацияси раиси Ҳикмат Абдураҳмонов, «Менинг юртим» телеканали бошловчиси Анвар Азимов, актёр Акбархўжа Расуловлар бор.
Изоҳ (0)