Ўзбекистон Президенти Шавкат Мирзиёев Жанубий Корея президенти Мун Чжэ Ин ҳамроҳлигида Сеул шаҳридаги Жанубий Корея Миллий музейига ташриф буюрди, деб хабар берди ЎзА.
Мазкур музей Жанубий Кореянинг энг йирик тарихий ва маданий марказларидан бири ҳисобланади. 1945 йил асос солинган музей учун 2005 йил ўзига хос меъморий ечимга эга замонавий бино барпо этилган. Осиёда энг йирик, дея эътироф этиладиган ушбу музей кўлами жиҳатидан дунёда олтинчи ўринда туради. Музейда 220 мингдан ортиқ тарихий, бадиий, археологик ва бошқа экспонатлар мавжуд.
Шавкат Мирзиёев музей бўлимлари ва экспонатлари билан танишди. Маданий-гуманитар соҳада икки мамлакат ўртасидаги алоқаларни янада кенгайтириш юзасидан келишиб олинди.
Изоҳ (0)