Samsung ўзининг янги Galaxy S9 ва S9 Plus флагманларини январь ойида бўлиб ўтадиган CES кўргазмасида тақдим этиш ниятида. Бу ҳақда компаниядаги манбасига таяниб, Hi-Tech Mail.Ru хабар берди.
Galaxy S9 ва S9 Plus флагманлари экранининг ўлчами ўзидан олдинги аждодиники каби бўлади.
Миш-мишларга кўра, анча йирикроқ моделдан иккита асосий камера ва каттароқ тезкор хотира ўрин олади. «Оддий» S9’га 4 гигабайт, S9 Plus’га эса 6 гигабайт тезкор хотира ўрнатилади. Samsung шу орқали Apple компанияси ўзининг сўнгги смартфонларида ишлатган усулга тақлид қилмоқда.
Асосий камера ва бармоқ изи сканери датчиги бу сафар вертикал жойлаштирилди — компания фойдаланувчиларнинг Galaxy S8 компоновкасига боғлиқ шикоятларини эътиборга олган. Шунингдек, биринчи бор S9’да АKG стереодинамикаси пайдо бўлади.
Бундан ташқари янги қурилмага 10 нанометрли чипсетлар ўрнатилиши мумкин: Qualcomm Snapdragon 845 ёки Exynos. Смартфонларнинг ички хотираси 64 гигабайтга эга.
Изоҳ (0)