1970 йилларда машҳур бўлган америкалик актёр ва хонанда Дэвид Кэссиди Флорида штатидаги касалхонада 67 ёшда вафот этди, деб хабар беради «ТАСС».
«Дэвид ўзини узоқ қийнаган оғриқдан қутулиб, қалбида хотиржамлик ҳис этган ҳолда вафот этди», — дейди актёрнинг вакили.
У шунингдек, шифокорларга миннатдорчилик билдирди ва Кэссиди яқинлари қуршовида вафот этганини таъкидлади.
Актёр ўтган ҳафтада ички органларининг функционал етишмаслиги ташхиси билан шифохонага ётқизилган эди.
Дэвид Кэссиди 30 дан ортиқ фильм ва телесериалларда суратга тушган. Ёлғиз она ва унинг рок-гуруҳга асос солган беш ўғли ҳақидаги «Партриж оиласи» сериалидаги образи унга ҳақиқий маънодаги машҳурликни олиб келган.
Изоҳ (0)