Аргентинанинг бир ҳафтача аввал ғойиб бўлган «Сан-Хуан» сувости кемасини қутқаришнинг деярли имкони йўқ. Мамлакат ҳарбий-денгиз кучлари бу фактни тан олди, деб ёзади «MK.ru».
Аввалроқ аниқланган шовқиннинг сувости кемасига ҳеч қандай алоқаси йўқлиги аниқланди. Шунга қарамасдан, Жанубий Атлантикада қидирув операцияси давом этмоқда. Унга олтита мамлакатдан 14 та кема ва ўнта самолёт жалб этилган. Улар Аргентина қирғоғидаги акваторияни кўздан кечирмоқда.
Аргентина Ҳарбий-денгиз кучлари сувости кемасидаги ҳаво заxираси етти кунга етишини маълум қилди. Бу муддат 22 ноябрь, чоршанба куни тугайди. Айни вақтда мамлакатда катта можаро юзага келиши кутилмоқда: журналистлар денгизга чиқишдан аввал сувости кемаси командири носозликдан шикоят қилгани, бироқ ҳарбий-денгиз кучлар раҳбарияти гўёки бунга муносабат билдирмаганини аниқлаган.
Сувости кемаси бортида 44 нафар экипаж аъзолари бор. Сувости кемаси Ушуайя портидан Мар-дель-Плата шаҳри йўналишида йўлга чиққан эди.
Изоҳ (0)