Муҳим учрашув, ҳал қилувчи тадбир, аҳамиятли шахсий воқеа… Ҳаётда ҳаяжонга сабаб бўладиган воқеалар кўп учраб туради. Ва у юракнинг тез-тез уриши, қўлларнинг терлаши ва қориндаги ёқимсиз ҳолат билан бирга кечади.
Биз сизга ҳаяжон белгиларини қандай қилиб енгиш ҳақида айтмоқчимиз.
Ҳафсала қиламиз ва дам оламиз
Тинчланишнинг асосий сирларидан бири мунтазам равишда ўз устида ишлашдан иборат. Агар ҳаяжон табиатан сизнинг доимий ҳамроҳингиз бўлса, яхшиси у билан ҳар қандай мос келувчи ички тинчланиш воситалари ёрдамида курашган маъқул.Бу йога, медитация, хаёлий машқлар бўлиши мумкин... Ҳатто кашта тикиш ёки идишларни ювиш ҳам мос келади, агар айнан шу машғулотлар сизнинг асабларингизни тинчлантирадиган бўлса.
Муҳим учрашув ёки тадбир олдидан суҳбат жараёнини ёлғиз ўзингиз батафсил репетиция қилсангиз ҳам бўлади.
Сизга қандай саволлар берилиши мумкинлигини тахмин қилишга ҳаракат қилинг ва олдиндан жавобларини тайёрланг.
Нафас оламиз, нафас оламиз ва яна нафас оламиз!
Ҳаяжоннинг кўпчилик аломатлари — кафтлар намлигининг юқори бўлиши, юракнинг тез-тез уриши, енгил бош айланиш — бу организмнинг адреналин ва стресс гормони кортизолнинг отилиб чиқишига нисбатан табиий физиологик реакциясидир.Бу аломатлардан тезда қутулиш мумкин, масалан нафас олиш машқлари ёрдамида. Бўшаштиришнинг асосий қоидаларидан бири қорин билан нафас олишдир. Қорин ҳаво билан тўлиши ва белни босиши учун аста-секинлик билан чуқур нафас олиш керак.
Нафас чиқаришда бел бироз пастга тушиши, оёқлар эса бўшашиши керак. Нафас олишнинг бундай тури нафақат тинчланишга, балки организмнинг кислород билан тўйинишига ҳам ёрдам беради.
Манба: «Zdorovie.com»
Изоҳ (0)