Равшана Куркованинг мухлислари унинг ёшлик ва гўзаллик сирларига жуда кўп қизиқади.
Актриса ажинлар пайдо бўлишининг олдини олиш ва чиройли қоматни сақлаб қолишга ёрдам берувчи бьюти-ҳийлалар ҳақида айтиб берди.
Макияж
Равшана ўзини парвариш қилишда бир умр табиий ёндашув тарафдорлари бўлган онаси ва бувисининг маслаҳатларига риоя қилаётганига иқрор бўлди. Уларнинг тавсиясини инобатга олган ҳолда, Равшана бўянишни жуда кеч бошлади.«Бувим ҳар доим косметикадан кўра, табиийлик кўпроқ латофатли кўрсатади деб ҳисоблар эди. Сен бўёқлардан фойдаланишни қанча эрта бошласанг, юзинг ўз табиий гўзаллигини шунча тез йўқотади ва йиллар ўтиши билан рангпар бўлиб қолади деб айтар эди», — гапириб берди актриса.
Юзни парвариш қилиш
Актриса ёшлигидан бери юзини парвариш қилишга жуда катта эътибор беради. Равшана ҳар куни юз терисини кўпик билан тозалайди, кейин тоник, зардоб ва тунги крем суради.Актриса ҳар ҳафта уй шароитида ниқоблар, пилинглар, скраблар қилади, чунки унинг косметологга боришга вақти етмайди.
Равшананинг косметика қутисида уларсиз уйдан чиқмайдиган иккита тенги йўқ восита бор — термал сув ва қуёшдан ҳимояловчи 30 SPF-факторли крем.
Ички ғамхўрлик
Равшана кунни бир стакан лимонли сув ичишдан бошлайди. У сув билан эхинацияли таблеткаларни қўшиб ичади — бу айниқса қиш фаслида иммунитетни мустаҳкамлашга ёрдам беради.У нонуштада қуюлтирилган сут, қуруқ мевалар, ёнғоқлар ва резавор мевалар қўшилган сули ёрмасидан тайёрланган бўтқа ейди. Равшананинг қомати табиатан гўзал бўлишига қарамасдан, барибир у тўғри овқатланишга ва жисмоний ҳаракатларни яхши кўришга интилади.
Изоҳ (0)