Apple корпорацияси Федерал қидирув бюросига Техасдаги черковда ибодатчиларни ўққа тутган Девин Келлининг iPhone’ини блокдан чиқаришда ёрдам таклиф қилди, деб ёзади «РБК» Apple матбуот хизматига таяниб.
«Биз Техасдаги фожиадан хавотирга ва қайғуга тушдик. Терговчилар ўқотарнинг iPhone’ига киришга уринаётганидан хабар топиши билан, бизнинг мутахассисларимиз ФҚБга мурожаат қилди. Биз ўз ёрдамимизни таклиф қилдик ва ФҚБ бизга юборадиган юридик сўровлар бўйича жавобимизни тезлаштиришимизни айтдик», — деди матбуот хизмати вакили.
Аввалроқ АҚШ Федерал қидирув бюросининг (ФҚБ) Техас штатидаги Сазерленд-Спрингс шаҳрида рўй берган оммавий қотилликни тафтиш қилаётган агентлари жиноятчининг телефонини блокдан чиқара олмаётгани хабар берилган эди.
Изоҳ (0)