Тошкент вилояти ички ишлар бошқармаси томонидан жорий йилнинг 26 октябридан 2 ноябрига қадар ҳудудда содир этилган 136 та жиноятнинг 122 таси фош этилди. Одам савдоси, автотранспорт воситасини олиб қочиш, фирибгарлик, ўғрилик жиноятларини содир этиб, суд ва терговдан қочиб юрган 21 нафар шахс ушланди, деб хабар берди ЎзА.
Аниқланмаган 11 та жиноят бўйича айбдорларни қидириб топиш ва уларни қонун доирасида жавобгарликка тортиш чоралари кўрилмоқда. Чиноз ва Юқори Чирчиқ туманларида баданга оғир шикаст етказиш ва автотранспорт воситасини олиб қочиш каби жиноятлар фош этилди. Бекобод туманида фуқароларнинг ишончини суиистеъмол қилиб, фирибгарлик қилаётган шахс қўлга олинди. Ушбу ҳолатлар юзасидан айбдорларга нисбатан Ўзбекистон Республикаси Жиноят Кодексининг тегишли моддалари билан жиноят иши қўзғатилди.
Ҳафта давомида вилоят ҳудудида маст ҳолда транспорт воситасини бошқариш, белгиланган тезликни ошириш, чорраҳа ва светофордан ўтиш, одам ташиш қоидасини бузиш каби 4863 та қоидабузарлик аниқланиб, айбдорларга қонун доирасида тегишли чоралар кўрилди.
Изоҳ (0)