Октябрь ойи бошида Нигерда ўққа тутилган Американинг махсус топшириқли бўлинмаси гуруҳига ҳаво орқали ёрдам беришдан бош тортишган. The Wall Street Journal’нинг ёзишича, айнан шу вазият тўрт кишининг ўлимига олиб келган бўлиши мумкин, деб хабар берди «ТАСС».
Нашрнинг ўз манбаларига таяниб маълум қилишича, махсус топшириқли бўлинма Пентагоннинг расмий баёнотида келтирилганидан кўра анча йирик ва хавфли операцияда иштирок этган. Бу каби ҳаракатларга ҳеч бўлмаганда битта разведка учун мўлжалланган учувчисиз учиш қурилмаси ҳамроҳлик қилиши керак. Уни белгиланган квадратга жўнатиш ҳақидаги сўров ўз вақтида юборилган, бироқ у бу каби мурожаатларни ўрганиш ва маъқуллаш билан шуғулланувчи кўплаб инстанцияларда ушланиб қолган.
АҚШ Қуролли кучлари штаб бошлиқлари қўмитаси раиси генерал Жозеф Данфорднинг сўзларига кўра, 3 октябрь куни Америка отрядлари Нигер армиясининг ахборот тўплаш борасидаги разведка топшириғини бажараётган бўлинмасига ҳамроҳлик қилган. Америка қўмондонлигининг ўша вақтдаги мавжуд маълумотларига кўра, душманга тўқнаш келиш эҳтимолли жуда кам бўлган. 4 октябрь тонгида патруль базага қайтаётганида ўққа тутилган. Махсус топшириқли бўлинма ихтиёрида фақатгина пулемёт ва енгил ўқотар қуроллар бўлган.
Генералнинг қайд этишича, АҚШ ҳамда Нигер ҳарбийлари отишма бошланганидан бир соат ўтгачгина ёрдам сўраган. 30 дақиқадан сўнг ҳавога француз қирувчи самолётлари кўтарилган ва улар орадан ярим соат ўтгач манзилга етиб борган. Нохуш ҳодиса оқибатида Америка махсус топшириқли бўлинмасининг тўрт аъзоси ҳалок бўлган.
Пентагон ушбу ҳолат юзасидан тергов олиб бормоқда.
Изоҳ (0)