Янги даврга қадам қўяётган Тошкентнинг «Пахтакор» футбол клуби ўзига янги уй аренаси қуриш устида бош қотирмоқда. Бу ҳақда клуб матбуот хизмати хабар берди. Бунгача «Пахтакор» Олий Лиганиг 2017 йилги мавсум 2-даврасини «Жар»да ўтказиб, шу йилнинг ўзидаёқ янги стадион қуришни бошлаши ҳақида норасмий маълумотлар мавжуд эди.
Расмий хабарда айтилишича, «Пахтакор» раҳбрияти янги стадион лойиҳаси устида иш олиб бормоқда. Кун тартибидан ўрин олган асосий масала — стадион қурилишини қайси компанияга ишониб топширишни ҳал қилиш. Бунда Туркия, Германия, Австрия ва Португалия қурилиш компаниялари ўзаро рақобат ҳосил қилган.
Renaissance Construction (Туркия)
Мазкур компания Ливиядаги «Треблус» стадиони лойиҳасини ишлаб чиққани билан танилган.
Arena Com (Германия)
Қурилиши анчагина чўзилиб кетган Санкт-Петербургдаги «Зенит Арена» ва Хорватиядаги «Максимир» шу компания лойиҳалари ҳисобланади.
Oberhofer Stahlbau (Австрия)
Австриянинг бу компанияси ўзбекистонликлар учун бегона эмас. Тошкентдаги «Бунёдкор» стадиони ва Форумлар Саройи айнан Австрия компаниясининг режаси асосида қурилган.
Saraiva Associados (Португалия)
Мазкур қурилиш компанияси Боғдод, Португалия ва Чехиядаги машҳур стадионларга лойиҳа берган. Қуйида Боғдод ва Чехиядаги стадион макетини кўриш мумкин.
Юқоридаги компаниялар ишини «Пахтакор» футбол клуби сармоядори ҳисобланган SFI Management Group кўриб чиқмоқда. Яқин орада компания бир тўхтамга келади.
Изоҳ (0)