Самарқандлик нуроний отахон ва онахонлар Паст Дарғом ва Паяриқ туманларидаги пахта теримида фаол иштирок этиб, барчага намуна кўрсатмоқда, деб ёзади вилоят ҳокимлиги ахборот хизмати.
«Кўпинча нафақа сўраб, маҳалла идораси олдида турган аёл, эркакларни кўрсам жаҳлим чиқади. Ҳозир бир киши кун бўйи бемалол 50—60 килограмм пахта териши мумкин. Бу эса бир кунда оилага 25—30 минг сўм даромад деганидир. Иш ҳақининг кунига берилаётгани, илғор теримчиларга ёғ, шакар, совун ва бошқа турдаги маҳсулотлар улашилаётганини айтмайсизми?
17 октябрдан бошлаб қўлда терилган ҳар бир килограмм пахта учун 700 сўмдан тўланади. Ахир бу ҳар бир оилага даромадини ошириш учун жуда яхши имконият-ку. Шунинг учун теримчиларни янада руҳлантириш ва эл хирмонига ўз ҳиссамизни қўшиш учун далага отландик», — дейди Самарқанд шаҳридаги Каттақўрғон ариқ маҳалласида яшовчи Убайдулло Йўлдошев.
Хабарда қайд этилишича, «Нуроний» жамғармаси вилоят, туман бўлимларида ҳам фаол нуронийлар жалб этилиб, тарғибот гуруҳлари ташкил қилинган.
Изоҳ (0)