Туғма юрак нуқсони билан туғилган 1,5 ёшли Умиджон даволаниш учун отаси билан 22 октябрь куни Москвага жўнаб кетди.
Аввалроқ, «Туғма юрак нуқсони. Ўпка артерияси арезияси. Очиқ артериал проток» касаллиги билан туғилган Умиджон Абдуҳакимов ёрдамга муҳтожлиги борасида хабар берилганди.
Жарроҳлик амалиётини Ўзбекистонда ўтказишнинг имкони йўқлиги сабаб Умиджон Москва шаҳрига, машҳур жарроҳ Лео Бокерия қўли остида даволаниш учун 22 октябрь куни отаси билан бирга учиб кетди.
Умиджоннинг отаси Шарофиддин Жалиловнинг «Kun.uz» нашрига билдиришича, нафақат Ўзбекистон, балки чет давлатларда истиқомат қилувчи ватандошлар ҳам ёрдам қўлини чўзишган. Маълум қилинишича, лозим бўладиган маблағнинг ярми банк пластик картасига тушириб берилган бўлса, жарроҳлик амалиёти, шифохона харажатлари учун талаб этиладиган тахминан 45 миллион сўмни фуқаролардан бири тўлиқ ўзи тўлаб берган.
Изоҳ (0)