«Ядро қуроли ва урушларсиз дунё» шиори остида Ер юзи бўйлаб сузишни амалга ошираёган «Тинчлик кемаси» Гавана портига етиб келди. Унинг бортида 700 га яқин йўловчи, жумладан, бир неча «хибакуся» — Хиросима ва Нагасакида атом бомбардимонларидан омон қолган японлар бор, дея хабар беради «ТАСС».
Гаванада кема йўловчилари Куба халқлар дўстлиги институти томонидан ташкилланган қуролсизланиш форумида иштирок этди ва орол-давлат ёшларига ядро қуроли келтириши мумкин бўлган даҳшатлар ҳақида ҳикоя қилди. «Тинчлик кемаси» бир қисми бўлган Ядро қуролини тақиқлаш бўйича халқаро кампания (ICAN) жорий йилда тинчлик бўйича халқаро Нобель мукофоти тақдим этилгани таъкидланди.
Штаб-квартираси Токиода бўлган «Тинчлик кемаси» ноҳукумат ташкилоти 1983 йилда Японияда ташкил этилган бўлиб, ҳозирда ўзининг 95-сузишини амалга оширмоқда. Саёҳат 13 августда Японияда бошланди ва 3 ой давом этади.
Кема 19 мамлакатда бўлиши кўзда тутилган, ҳозиргача Греция, Франция ва АҚШда бўлишга улгурди. Кубадан сўнг Мексика, Панама ва Никарагуада тўхтаб ўтиш режалаштирилмоқда.
Изоҳ (0)