Октябрь бошида Майкл Зайдел исмли америкалик АҚШнинг Мичиган штати Редфорд шаҳар полициясини Facebook’да ҳадеб масхара қилишни бошлади, деб ёзади TJournal. У полициячиларга ўз ишларини бажара олмаётгани ва уларнинг саҳифасида фаолликни сақлаб турган ягона одам ўзи эканлигини ёзарди.
Редфорд департаменти маълум қилишича, уларда Зайделни одамга ҳужум қилиш ва маст ҳолатда машина бошқариш айбловлари бўйича ҳибсга олиш учун ордер бор. Унга ғашни келтирадиган хулқ-атвори ва полицияга таслим бўлишдан бош тортгани учун бир неча марта огоҳлантириш беришди, аммо жиноятчи мазах қилишда давом этди.
Шундан кейин Зайдел полиция департаментининг Facebook’даги хабари 1000 марта репост қилинса, полицияга ўзини топширишга ва ўзи билан ширали тешиккулчалар олиб боришга ваъда берди.
Редфорд полицияси Facebook’даги обуначиларига мурожаат қилиб, жиноятчини тутишда ёрдам беришни сўради. Натижада бир соатда 1000 та репостга эришилди.
Баҳсдан кейин ўн кун ўтгач, жиноятчи участкага келиб, ўзини топширди. Ўзи билан бирга ширали тешиккулчалар олиб келишни ҳам унутмади. Уни қамаб қўйишди. Зайделнинг иши бўйича суд мажлиси 21 октябрга белгиланган.
Изоҳ (0)