Канаданинг Альберте провинцияси маркази — Эдмонтонда содир бўлган кучли шамол иккита поезднинг рельслардан чиқиб кетишига сабаб бўлди. Бу ҳақда CBC News’га таяниб, «Корреспондент.net» хабар берди.
Таъкидланишича, нохуш ҳодисалар натижасида зарарли ва хавфли моддаларнинг тўкилиш ёки оқиб кетиш хавфининг олди олинган. Бироқ авария содир бўлган жойнинг яқинидаги уйларда истиқомат қилувчи аҳоли қисқа муддатга эвакуация қилинган. Темир йўлчилар орасида жабрланганлар йўқ.
ОАВ маълумотларига кўра, Эдмонтон шаҳридан 200 километр шарқда содир бўлган ушбу кўнгилсиз ҳодиса оқибатида бешта вагон узилиб кетган ва бир неча ўн метрли жарга қулаб тушган.
Изоҳ (0)