16 октябрь куни Ўзбекистон Миллий матбуот марказида Ўзбекистон истеъмолчилар ҳуқуқларини ҳимоя қилиш жамиятлари федерациясининг «Халқ билан мулоқотнинг самарали механизмларини жорий этишда жамоат ташкилотларининг ўрни» мавзуидаги матбуот анжумани бўлиб ўтди. Бу ҳақда федерация матбуот хизмати хабар бермоқда.
2017 йилнинг тўққиз ойи давомида Федерация марказий ижро этувчи аппарати, Қорақалпоғистон Республикаси истеъмолчилар ҳуқуқларини ҳимоя қилиш жамиятлари федерацияси, вилоятлар ва Тошкент шаҳар ҳудудий бирлашмалари, туман ва шаҳар жамиятлари раислари аҳоли (фуқаролар) билан жами 7670 марта мулоқот ўтказилди. Мазкур мулоқотлар давомида уй-жой коммунал (2208 та), савдо(1371 та), соғлиқни сақлаш (576 та), алоқа (240 та), транспорт (307 та), сервис хизматлари (242 та), таълим (280 та) ва бошқа соҳалар (2446 та) бўйича бошқа соҳаларда фуқаролар тегишли масалалар ечими юзасидан амалий ёрдам берилишини сўраб мурожаат қилган.
Ҳисобот даврида «Истеъмолчи билан мулоқот» ҳуқуқий маслаҳатхоналарига келиб тушган 4225 та мурожаат рўйхатга олинди. 3125 та мурожаат бўйича уларга қонун талабларидан келиб чиқиб, ҳуқуқлари тушунтирилди. 515 та мурожаат юзасидан давлат ва назорат қилувчи органларга, 100 та мурожаат юзасидан эса суд органларига мурожаат қилиш бўйича ҳуқуқий маслаҳатлар берилди.
Шундан, Федерация ва унинг қуйи тузилмалари истеъмолчилардан тушган 165 та ариза ва шикоят асосида уларнинг манфаатларини кўзлаб, суд органларига даъво аризалари киритилиши ва ижобий ҳал этилиши натижасида 226 миллион 673 минг сўм моддий ва маънавий зарарлар қайта ҳисоб-китоб қилинди.
Изоҳ (0)