Вазирлар Маҳкамаси «Ўзбекистон Республикаси Қуролли Кучлари сафида муддатли ҳарбий хизматни ўтаётган ҳарбий хизматчиларнинг маънавий-маърифий, маданий савияси ва билимларини мунтазам ошириб бориш тизимини такомиллаштиришга доир қўшимча чора-тадбирлар тўғрисида»ги қарорни имзолади, деб ёзади Norma.
Ҳарбий хизматчиларнинг маънавий-маърифий, маданий савияси ва билимларини мунтазам ошириб бориш учун бир қатор вазифалар белгиланди:
ҳарбий хизматчиларнинг олий таълим муассасаларига киришга тайёргарлик кўришлари учун ҳар йили май декабрь ойларида жами ўқув юкламаси 190 соатдан иборат бўлган машғулотлар ўтказиш дастурини ишлаб чиқиш;
ҳар бир ҳарбий қисмда ташкил этиладиган машғулотлар бўйича 5 та фандан кўп бўлмаган фан йўналишларини аниқлаш;
ҳар бир ҳарбий қисмга унга яқин жойлашган олий, ўрта махсус ва касб-ҳунар, ўрта таълим муассасасини бириктиришни таъминлаш ва мазкур таълим муассасаларидан машғулот ўтказувчи ўқитувчиларни тайинлаш;
таълим муассасаларининг ахборот-ресурс марказлари имкониятларидан фойдаланиш учун ҳарбий қисм кутубхоналарини ушбу таълим муассасаларининг АРМтармоқларига улаш;
ҳарбий қисмларга бириктирилган таълим муассасаларининг АРМлари имкониятларидан кенг фойдаланиш мақсадида аҳоли пунктидан 50 км дан узоқда жойлашган ҳарбий қисмлар кутубхоналарида электрон базалар ташкил этиш.
Изоҳ (0)