МИБ Ахборот-коммуникация технологияларини жорий этиш маркази ишга қабул бўйича танлов эълон қилди

Ўзбекистон Республикаси Бош прокуратураси ҳузуридаги МИБ Ахборот-коммуникация технологияларини жорий этиш маркази ва унинг ҳудудий бўлимларига дастурловчи, маълумотлар базаси администратори, веб-дизайнер, ахборот технологиялари мутахассиси лавозимларига ишга қабул бўйича танлов эълон қилди. Бу ҳақда Бош прокуратура сайти хабар бермоқда. 

Номзодлар ахборот-коммуникация технологиялари соҳасида олий ёки ўрта-махсус маълумот, зарур билим ва иш тажрибаси, замонавий ахборот-коммуникация технологияларидан профессионал даражада фойдаланиш қобилиятига эга бўлиши лозим.

Дастурчилар қуйидаги дастурлаш тиллари ва технологияларида ишлаш тажрибасига эга бўлиши талаб этилади:

Java Core, Java SE, J2EE, J2ME, Android, Swift, PL/SQL, Transact SQL, C++;

HTML, CSS, JavaScript, Jquery;

Замонавий веб-фреймворклар (Wicket, Spring ва бошқалар);

ORM (MyBatis, Hibernate ва бошқалар);

WebService, WebSocket, B2B технологиялари;

WinAPI тизимида дастур, веб браузерлар учун плагинлар яратиш;

SDK қурилмалар билан ишлай олиш ва тизимга интеграция қилиш;

Android, iOS, Windows, J2ME қурилмалар учун дастурлар яратиш.

Марказ ва унинг ҳудудий бўлимлари ходимларига Бюро ходимлари учун назарда тутилган имтиёзлар, моддий ва ижтимоий муҳофаза чоралари қўлланади.