Шавкат Мирзиёев 15 октябрь, якшанба куни Хоразм вилояти мусиқали драма театрини бориб кўрди. Бу ҳақда ЎзА хабар бермоқда.
Хоразм вилояти мусиқали драма театри 1975 йилда қурилган. Президент ташаббуси билан шу кунларда театр биноси, жумладан, 572 томошабинга мўлжалланган зал капитал таъмирланмоқда.
Шавкат Мирзиёев мутасаддилар билан мулоқотда театр фаолиятининг мазмун-моҳиятини янада бойитиш бўйича ўз фикр-мулоҳазаларини билдирди.
«Театрни ҳақиқий маънавият ўчоғига айлантириш учун аввало яхши асарлар керак», — деди давлат раҳбари.
Ижодкорларни қўллаб-қувватлаш, улар учун замонавий уй-жой қуриб бериш, театрнинг моддий-техник базасини мустаҳкамлаш бўйича кўрсатмалар берилди. Актёр ва режиссёрларнинг малакасини ошириш, ёш мутахассислар тайёрлаш масалаларига алоҳида эътибор қаратилди.
Изоҳ (0)