Ижтимоий тармоқларда Ўзбекистонда хизмат кўрсатган артист Хосият Ҳусанованинг қўшнилари билан жанжали акс этган видеолар тарқалган эди. Хосият Ҳусанова ушбу жанжалнинг келиб чиқиш сабаблари, айни вақтда қўшнилари билан муносабатига ойдинлик киритди. Актриса бу ҳақда журналист Феруз Муҳаммадга берган интервьюсида маълум қилди.
Қўшниларимиз тозаликка риоя қилмагани жабридан маҳалламизда чиқинди уюлиб қолган. Етти йилдан буён чиқинди ташиш билан куним ўтади. Чарчаб кетдим, «Чиқиндиларингни ол!» десам, мен билан жанжаллашиб кетишяпти.«Сайёр камера» кўрсатувини чақирай десам, маҳалламнинг обрўсини ўзим тўкаманми дейман, истиҳола қиламан. Аслида «Сайёр камера»га бериб юборадиган жой. Машина-машина чиқинди ташийвериб чарчадим.
«Ҳайвонга ўхшаб яшайверасанми, ит ҳам ўтирган жойини думи билан супуриб ўтиради-ку», дедим. Қўшним видеога олиб турди. «Жинниманми чиқинди тозалаб!», деганидан кейин: «Сени чиқиндингни тозалаб мен жинниманми!», дедим. «Видеоларингни интернетда тарқатиб, шарманда қиламан», деди. «Қаерда тарқацанг тарқат, кейин мен чора кўраман», дедим. Очиқчасига видеога олиб турди ва кейин ўша видеоларни тарқатди.
Қўшним: «Хосият Ҳусанова миллатчилик қилаяпти», деб бу гап-сўзларни бошқа томонга бурибди. Менга: «Сен яқинда кўчиб келиб, маҳаллага хўжайин бўлиб қолдингми? Сени маҳалладан йўқ қиламан!», деган эди. «Мен Ўзбекистон фуқаросиман, Ўзбекистоннинг хоҳлаган жойида яшайман! Хоҳласанг, сен кет», дедим. «Бизнинг қонун-қоидамизга амал қилмасанг, сен кетасан! Чиқиндингни олмасанг, сени судга бераман», дедим.
Видеоларни интернетга чиқармаса, бирор нима демоқчи эмасдим. Аммо интернетга чиқариб юборгандан сўнг, профилактика нозирига бориб: «Чиқиндингни тозала десам, булар ўша видео билан бошқача тарғибот олиб боряпти, буларга чора кўринглар», деб ёзиб бердим.
Эртаси куни, кимдир ўргатган шекилли, мардикор олиб келиб, бир машина чиқиндини йўқ қилишди. Яна олти қопча чиқинди турибди. Бу чиқиндиларни болалар сочиб ўйнашмоқда, уни эса яна мен тозалайман. Маҳалла инспектори: «Ойлаб йиллаб бир-бирингиз билан жанжаллашиб юрасизларми, ярашинглар энди», деб маслаҳат берди.
Маҳалла тизза бўйи лой эди, беш машина шағал, уч машина тупроқ тўкдим. Асфальт ётқиздим, «Шунча қилган ишимга раҳматларинг шуми?», дедим. Энди кўчага видеокамера ҳам қўяман. Ким кўчага чиқинди ташласа, судга бераман. Шунча йил қўшничилик деб индамай келдим, энди ҳар нарсани қонуний ҳал қиламан.
Хосият Ҳусанова, Ўзбекистонда хизмат кўрсатган артист
Изоҳ (0)