Ўзбекистон санъат музейида Андрей Есионовнинг «Дарёга икки марта кириш» номли кўргазмаси бўлиб ўтади. Кўргазма 15 октябрь соат 16:00 да очилади.
Дарёга икки марта кириш
Андрей Есионов (1963 йилда туғилган) – ўзгача таржимаи ҳолга эга бўлган рассом. Унинг санъатга, тўла-тўкис ижодий ишлашга бўлган интилиши эгри-бугри йўллардан иборат бўлиб, деярли қирқ йилга чўзилиб кетди. Бироқ у ўзининг касбий танловини ўсмирлик ёшидаёқ танлаб бўлган эди. Авлод-аждодлари Тошкентда XIX асрдаёқ жойлашиб олган, шу шаҳарда рус оиласида туғилган рассом, собиқ иттифоқ бадиий фундаментал таълим тизимининг барча асосий босқичларини кетма-кетликда босиб ўтди. 1981 йилда Есионов А.Н. Островский номидаги Тошкент давлат театр ва рассомчилик институтига ўқишга кирадиган, иқтидорли болалар тарбияланадиган Республика ихтисослаштирилган мусиқа ва санъат мактаб-интернатида графика дипломини олди. Бешинчи курсда у дастгоҳли рассомчилик бўлимига ўтиб, уни 1990 йилда тугатади.
Бироқ, икки томонлама маънавий озуқа ололган ва ҳар томонлама тайёрланган истиқболли ёш рассом мустақил равишда ишга жойлашиш бахтига муяссар бўла олмади, чунки у бутун мамлакат билан биргаликда кечиккан «Қайта қуриш» даврининг аччиқ воқелигига дучор бўлди. Ва орадан йигирма йил ўтиб – 2010 йилда шунча вақтдан буён қўлига мўйқалам олмаган Есионов унга чизиб берилган траeкториядан ташқарига чиқиб, кескин бурилиш ясади. У ўзининг ижодий мавқеини «қайта тиклашга» ва санъатга қайтишга эришди.
Ўзининг Москва атрофидаги хилват жойда жойлашган уйида мутассиблик билан ишлаб, у бир неча йил ичида етук, ўзига хос уста, моҳир рассом ва сураткаш, таассуротли йирик форматдаги аквареллар муаллифига айланди. Ҳозирги вақтда Андрей Есионов фаол кўргазма ҳаётини олиб бормоқда, Россия санъат академиясининг мухбир аъзоси ҳисобланади, профессионал санъат иттифоқларида ҳисобда туради ва шу билан бир вақтнинг ўзида машҳур петербурглик санъаткор Александр Боровскойнинг аниқ таърифи билан айтганда, «истеблишментдан (давлатнинг юқори ҳокимият тизими) ташқари рассом» бўлиб қолган ҳолда, ўзининг ноёб ижодий мустақиллигини сақлаб келмоқда.
Ҳозирга қадар Есионов Москва, Санкт-Петербург, Самара, Қозон ва Париж шаҳарларининг йирик музейларида ва кўргазма залларида ўзининг еттита шахсий экспозициясини ўтказган.
Инсоннинг ҳар сонияда ўзининг қисматли тақдири ҳақида қарорлар қабул қилишга, ахлоқий танловни амалга оширишга мажбур қилган шахсий ҳаёт йўли — Андрей Есионовнинг Ўзбекистон давлат санъат музейидаги кўргазмасининг асосий ғоясини ташкил этади. Унинг номи Гераклитнинг машҳур ҳикматига бориб тақалади: «Худди ўша дарёга бир бор кирган сувларда бир гал бир сувлар, иккинчи сафар эса бошқа сувлар оқиб ўтади».
Есионов экспозициясининг асосини турли хил акварелли сериялар ташкил этади. Унинг асарларида Москва, Қуддус, Париж, Мадрид, Берлин, Дрезден, Рим ва Венеция шаҳарларининг кўринишларини, шунингдек, оила аъзолари ва дўстларининг портретларини ташкил этган камеравий, худди бевосита мулоқотнинг софлигини сақлаб турувчи – ўзига хос қиссавий-аллегорияли саҳналар кўрсатилган.
Томошабиннинг Есионов шахсий олами ҳақидаги тушунчаларини кенгайтирувчи қаламда чизилган табиий расмлар ва махсус экспонатлар – расм чизиш асбоблари, фотосуратлар, баъзи бир шахсий буюмлар кўргазмани янада тўлдириб турди. Алоҳида бўлимда рассом ҳақидаги фильм, бошидан охиригача бир акварел асарларини яратиш жараёнини намоён этувчи, ўзига хос маҳорат мактаби намойиш этилмоқда. Есионов томонидан Тошкентда ўқиб юрган вақтида, 1988 йилда яратилган, янги муалллифлик версиясини намоён этган ва мойбўёқ билан холстда бажарилган «Орол трагедияси» картинаси — Давлат санъат музейи кўргазмасининг алоҳида экспонати бўлди.
Андрей Есионовнинг ижодий услуби кўп ҳолларда мантиққа тўғри келмайди: ундаги академик таълим тажрибага бўлган эҳтирос билан, замонавийликнинг ўткир ҳиссиёти билан илдиз отишлик, ҳаётий кузатувларнинг таҳлилий, концептуал умумлаштиришлар билан, акварель учун ўзига хос пластик усуллардан фойдаланишдаги ўзига ўзи чегаралашнинг эркинлик билан, мавзулар ва сужетлар танлови бир-бири билан уйғунлашиб кетади.
Кўп сонли натуравий хомқолипларда бир лаҳзали таасуротларини акс эттирган рассом, бундан сўнг уларни ўзининг устахонасида топқирлик билан йиғиб олиб, бирлаштиради ва бўёқлар билан тасвирлаб бера олади (ва натижада, ўз вақтида эгаллаган плакатист кўникмаларига таянади). Есионов тарихининг қаҳрамонлари – аниқ одамлар, бизнинг замондошларимиз, шу билан бирга универсал типажлар, ижтимоий саҳналардаги актёрлар: йўловчилар, саёҳатчилар, дайдилар, кўча мусиқачилари, зиёратчилар, бозорчи савдогарлар бўлиши мумкин.
Реклама ҳуқуқи асосида!
Изоҳ (0)