Эронлик хонанда Араш 13 октябрь куни «Истиқлол» санъат саройида ўзининг яккахон концерт дастурини тақдим қилиши белгиланган эди. Дастурнинг ноқонуний, сохта билетлари тарқаб келгани сабабли концертнинг ўтказилиш вақти 13 октябрдан 31 октябрга қолдирилди.
Бу ҳақда концерт ташкилотчиси, Nigora media group компанияси раҳбари Соим Нигора Музаффар қизи журналист Феруз Муҳаммадга маълум қилди.
Мухлислар томонидан кунига юзлаб қўнғироқлар бўлиб, биз кўчадан арзонроқ билет сотиб оляпмиз-ку, сизларда нима бунча қиммат деган мазмундаги гаплар эшитдик. Кейин билсак, сохта, ноқонуний билетлар тарқаб кетган экан. Ўша сохта билетларни аниқлаб, барчасини ўрин-ўринига қўйиш учун, ҳаммаёқ тинч-осойишта ўтиши учун анчагина вақт керак бўлади. Кассадан билет сотиб олганлар учун ҳеч қандай муаммо бўлмайди, биз ўзимиз сотган билетларни яхши таниймиз. Бундан Арашнинг ҳам хабари бор, биз телевидение ҳамда радиога берган рекламаларимизни ва реклама баннерларини ҳам 31 октябрь санаси билан бошқатдан чиқарамиз.Соим Нигора Музаффар қизи, концерт ташкилотчиси
Изоҳ (0)