Тошкентдаги «Истиқлол» санъат саройида ҳам концертлар мавсуми очилди. Журналист Феруз Муҳаммад санъат саройида бўлиб, чипталарнинг кассадаги нархлари асосида энг қиммат концертлар рейтингини тузди.
10-ўрин. «Дизайн» гуруҳи ҳамда «Эъзоздасиз, азиз устозлар!» гала концерти
3 октябрда «Эъзоздасиз, азиз устозлар!» гала концерт дастури бўлиб ўтди. «Дизайн» гуруҳининг концерт дастури 4—10 декабрь кунлари бўлиб ўтиши режалаштирилган. Иккала дастурнинг ҳам энг арзон чиптаси 15 минг сўм, энг қиммати эса 80 минг сўм қилиб белгиланган.
9-ўрин. Хонанда Аҳрор Усмонов концерти
Хонанданинг 9—10 октябрь кунлари жонли ижрода бўлиб ўтадиган концертга кириш нархи 10 минг сўмдан бошланиб, 100 минг сўмгача етади.
8-ўрин. Қизиқчи Аваз Охун концерти
Қизиқчи Аваз Охуннинг 1—5 ноябрда бўладиган томошасига энг арзон кириш чиптаси эса 15 минг сўм, энг қиммати эса 100 минг сўм қилиб белгиланган.
7-ўрин. Хонанда Баҳром Назаров концерти
Хонанданинг 14, 15, 16 ноябрь кунлари бўладиган концертга кириш нархи 10 минг сўмдан бошланиб, 120 минг сўмгача етади.
6-ўрин. Хонанда Улуғбек Раҳматуллаев концерти
Улуғбек Раҳматуллаевнинг концерти 8—13 ноябрь кунлари бўлиб ўтади. Чипталар нархи — энг арзони 15 минг сўм, қиммати — 150 минг.
5-ўрин. Хонанда Шуҳрат Дарё концерти
Хонанда Шуҳрат Дарёнинг 25—26 октябрь кунлари жонли ижрода бўлиб ўтадиган дастурининг чипталари нархи қуйидагича — энг арзон чипта 20 минг сўм, энг қиммат чипта эса 150 минг сўм.
4-ўрин. «Божалар» гуруҳи концерт дастури
«Божалар» гуруҳининг 1—2 декабрь кунлари бўлиб ўтадиган дастурининг энг арзон чиптаси 20 минг сўмдан, энг қиммати эса 180 минг сўмдан сотилмоқда.
3-ўрин. Муниса Ризаева концерти
Муниса Ризаеванинг 24, 25, 26 ноябрь кунлари бўладиган концертининг энг арзон чиптаси — 20 минг сўм, энг қиммати эса — 200 минг сўмдан.
2-ўрин. Сердар Ўртач
Туркиялик хонанда Сердар Ўртачнинг 24—25 сентябрь кунлари бўлиб ўтган концерт дастурининг энг арзон чиптаси 40 минг сўм, энг қиммати эса 1 миллион сўмдан сотилган эди.
1-ўрин. Араш
Эрон хонандаси Араш фақат бир кун — 13 октябрда концерт беради. Концертга энг арзон чипта — 100 минг сўм, энг қиммати эса 1,4 миллион сўм.
Изоҳ (0)