Буюк британиялик машҳур бизнесмен, миллиардер ва Virgin Group компанияси асосчиси Ричард Бреэнсон ўз ичига Саудия Арабистонидаги 50 дан ортиқ оролларни қамраб олган туристик лойиҳага сармоя киритиш нияти борлигини маълум қилди. Бу ҳақда амирликнинг The National нашрига таяниб, «РИА Новости» хабар берди.
Саудия Арабистони ахборот агентлигининг маълумотларига кўра, Бреэнсон қирғоқларининг умумий узунлиги 200 километрни ташкил этадиган мазкур улкан туристик лойиҳада иштирок этиш ниятини билдирган биринчи хорижий инвестор.
Саудия Арабистони ҳукуматининг режасига кўра, ушбу лойиҳа 35 мингта янги иш ўрни яратишга ҳамда қироллик иқтисодиётинининг тараққиётига хизмат қилади. Қурилиш ишлари 2019 йилда бошланиши режалаштирилган бўлиб, у 2022 йилнинг охирига қадар якунланиши лозим.
Аввалроқ, Ричард Брэнсон Virgin Group компаниясининг интернет-сайтида жойлашган блогида Саудия Арабистонига ташриф буюрганини ёзиб қолдирганди.
Тахт меросхўри сифатида яқиндагина тайинланган шаҳзода Муҳаммад ибн Салмон ал Сауднинг баёнотида айтилишича, мазкур курорт Қизил денгизда жойлашган 50 та табиий оролларда яратилади. Сайёҳлик мақсадида қирғоқнинг 200 километрлик участкаси махсус жиҳозланади.
Изоҳ (0)