Тошкентда Lacetti ҳайдовчиси пиёдани уриб юборди, натижада у воқеа жойида вафот этди, деб ёзади Тошкент шаҳар Ички ишлар бош бошқармаси матбуот хизмати.
2017 йил 25 сентябрь куни соат 08:00 ларда Чилонзор тумани Бунёдкор кўчасида жойлашган «Оқ тулпор» ресторани қаршисида, 25 ёшли ҳайдовчи Lacetti русумли автомашинани бошқариб кетаётиб, пиёдани уриб юборган. Натижада пиёда — 36 ёшли аёл киши йўл-транспорт ҳодисаси жойида вафот этган.
Мазкур ҳолат юзасидан Чилонзор тумани ИИБ ҳузуридаги Тергов бўлими томонидан Ўзбекистон Республикаси ЖКнинг 266-моддаси 2-қисми (транспорт воситасини бошқарувчи шахс томонидан транспорт воситалари ҳаракати ва улардан фойдаланиш хавфсизлиги қоидаларини бузиш, одам ўлишига сабаб бўлса) аломатлари билан жиноят иши қўзғатилган.
Изоҳ (0)