Аввал хабар берганимиздек, 26 сентябрь куни жиноий ишлар бўйича Миробод туман судида Боровский тиббиёт коллежининг 2-курс талабаси Жасурбек Иброҳимовнинг ўлими юзасидан очилган жиноий иш бўйича дастлабки суд эшитуви бўлиб ўтди. Жавобгар унга илгари сурилган айбловга иқрор бўлмади. Бу ҳақда «Газета.uz» хабарида айтилади.
ЖКнинг 104-моддаси 3-қисми «д» банди (жабрланувчининг ўлимига сабаб бўлган қасддан баданга оғир шикаст етказиш) аломатлари билан қўзғатилган жиноят иши бўйича айбланувчи 1999 йилда туғилган Исломбек Абдужамилович Тўлагановдан суд мажлиси раиси ушбу модда бўйича қилган жиноятига иқрор бўлиш-бўлмаслиги ҳақида сўради. «Иқрор бўлмайман», — деди жавобгар.
Иш бўйича тергов жараёни 29 август куни ниҳоясига етказилган ва мавжуд материаллар жиноий ишлар бўйича Миробод туман судига оширилган эди.
Навбатдаги суд мажлиси 29 сентябрь кунига белгиланди.
Изоҳ (0)