Фарғонанинг «Нефтчи» клуби мураббийлар штабида ўзгариш юз берди. Раҳбарият Мурод Исмоиловни клубга қайтаришга мажбур бўлди.
«Нефтчи» матбуот хизматининг хабар беришича, Мурод Исмоилов бош мураббий Вадим Абрамовга ёрдам беради. Бу Абрамовнинг истаги билан амалга ошиб, Исмоиловни ўз хоҳишига кўра олиб келдими ёки раҳбарият шуни талаб қилдими — ойдинлик киритилмаган.
Бунгача «Нефтчи» Тошкентда «Бунёдкор»дан енгилса, Вадим Абрамов истеъфога чиқарилиши мумкинлиги борасида миш-миш айтилганди. Боиси Карленович бошқарувида Фарғона клуби кетма-кет 11 та учрашувда зафар қуча олмади.
Изоҳ (0)