Украинага раҳбарлиги давомида собиқ президент Виктор Янукович 40 миллиард доллар миқдоридаги маблағни ноқонуний ўзлаштирди. Бу ҳақда YES саммити давомида мамлакат бош прокурори Юрий Луценко маълум қилди, деб хабар беради «Корреспондент.net».
«Халқаро экспертизага кўра, собиқ президент Виктор Янукович Украинадан 40 миллиард доллар ўғирлаган. Бу мамлакатнинг бир йиллик бюджетига тенг», — деди Луценко.
Бош прокурорга кўра, бунга асосан газ нархи бўйича Украина ва Европа ўртасидаги тафовут ҳамда солиқ билан боғлиқ қаллобликлар ёрдамида эришилган.
«Ҳозирда давлат харидларида мисли кўрилмаган коррупция йўқ. Prozzoro тизими ишламоқда. Шу билан бирга, Украинада давлат монополияси ва божхонадаги муаммолар ҳал этилиши лозим», — таъкидлади прокурор.
Изоҳ (0)