Биз яхшилаб терлаш йўли билан зарарли моддалардан қутулиш мумкинлиги ҳақида кўп эшитганмиз. Лекин бу бутунлай тўғри эмас.
Ҳа, тер билан организмдан баъзи зарарли моддалар чиқариб юборилади. Масалан, тернинг ичида оғир металлар ва пластмассада ҳам учрайдиган бисфенол А кимёвий моддаси борлиги аниқланган. Лекин бу моддаларнинг чиқарилиши соғлиқни яхшилашига ҳеч қандай исбот йўқ.
Тернинг 99 фоизи сувдан ташкил топган, унда металлар концентрацияси жуда кам. Организмдан токсинларнинг катта қисмини жигар ва буйраклар чиқаради.
«Сауналар ва бошқа шунга ўхшаш усулларнинг фойдаси ҳақидаги фикрлар фан томонидан тасдиқланмаган», — дейди АҚШ ҳарбий-ҳаво кучлари борт шифокори ва Science-Based Medicine илмий саҳифасининг муҳаррири Харриет Холл.
Организмида оғир металлар миқдори юқори бўлган одамларга сауна эмас, балки дори-дармонлар ёрдамида даволаниш зарурроқдир. Қолганларнинг ҳаммасида эса қўшимча ёрдамларсиз детокс юз беради.
Бундан ташқари, терида топиш мумкин бўлган токсинларнинг жуда кичик миқдори саломатлик билан боғлиқ ҳақиқий муаммолардан дарак бериш-бермаслиги аниқ эмас. Ва уларни чиқаришдан саломатлик учун қандайдир фойда бўлиши ҳам номаълум.
Манба: «Лайфхакер»
Изоҳ (0)