Шимолий Корея АҚШни янги санкциялар қабул қилинган тақдирда, Вашингтон «тегишлича тўлов тўлаши» ҳамда КХДРга нисбатан санкция режимини кучайтиришда давом этса, «ўз тарихидаги энг кучли оғриқ ва азобларга дучор бўлиши» ҳақида огоҳлантирди, деб ёзади Yahoo! News.
Корея Марказий телеграф агентлиги томонидан тарқатилган, КХДР ташқи ишлар вазирлиги хабарида айтилишича, АҚШ БМТ Хавфсизлик кенгашида ўзининг «ноқонуний резолюцияси»ни илгари суришда давом этса, «тегишли тўловни тўлаб қўяди».
АҚШ 11 сентябрь куни БМТ Хавфсизлик кенгашида КХДР ядро синовини ўтказгани учун унга нисбатан санкцияларни авбатдаги марта кучайтириш ҳақидаги резолюция лойиҳасини киритмоқчи. Унда мамлакатга нефть ва нефть маҳсулотлари етказиб беришни тақиқлаш, шунингдек, Шимолий Корея енгил саноат маҳсулотларига эмбарго қўйиш таклиф этилган.
Изоҳ (0)