Франция пойтахти Парижда 26—29 сентябрь кунлари IFTM Top Resa халқаро сайёҳлик кўргазмаси бўлиб ўтади. Бу ҳақда Туризмни ривожлантириш давлат қўмитаси матбуот хизмати маълум қилди.
Кўргазма давомида Ўзбекистоннинг сайёҳлик салоҳияти тақдимоти, Франция ТИВ раҳбарияти, туризм маъмурияти, Euronews ва Eurosport телеканаллари вакиллари, Франция туримни ривожлантириш (Atout France), Техник кўмаклашиш (ADETEF) агентликлари, мамлакатнинг етакчи ОАВи, йирик меҳмонхона комплекслари ва инвестиция компаниялари раҳбарлари билан учрашувлар ўтказиш режалаштирилган.
Париж мэрияси томонидан мунтазам равишда ўтказиладиган Le Village International de la Gastronomie гастрономия фестивалида Ўзбекистон вакилларининг иштироки масаласи кўриб чиқилмоқда. 40 та давлат вакиллари қатнашадиган очиқ майдондаги тадбирда ўзбек ошпазлари миллий таомларни тайёрлаш маҳоратини намойиш этади.
Изоҳ (0)