Кеча, 6 сентябрь куни Hyatt Regency Tashkent меҳмонхонасида «Ўзбегим» миллий қадриятлар фестивалига бағишланган матбуот анжумани ўтказилди. Фестиваль ташкилотчилари Тошкентнинг Сайилгоҳ кўчасида бўладиган энг йирик тадбир дастури билан таништириб ўтишди, деб хабар берди «Ўзбекистон 24».
Мазкур маданий тадбир «Миллий» телеканали жамоаси томонидан ташкил этилмоқда.
Фестиваль мақсади — Ўзбекистоннинг маданий қадриятларини қўллаб-қувватлаш ва оммалаштириш, мамлакатнинг бой бадиий мероси билан ўзбекистонликлар ва хорижлик меҳмонларни таништириш, миллий маданият ва санъатнинг энг яхши намуналарини халқаро жамоатчиликка кўрсатиш, сайёҳлик салоҳиятини намоён этиш.
Фестиваль халқ сайли муҳитини ҳосил қилиб, ўзида халқ ҳунармандларининг ярмаркалари, халқ ўйинлари ва томошалари, бир қатор миллий русумлар, фольклор шоуларни мужассам этади.
Фестиваль дастури жадвали:
Фестивалнинг энг ёрқин ҳодисаси 8 тоннага тенг ўзбек миллий таоми — паловни тайёрлаш бўлади. Бу жараёнда Guinness World Records вакиллари бевосита иштирок этади. Экспертлар тайёрланган паловнинг миқдори бўйича жаҳон рекордини қайд этишади.
Палов тайёр бўлгач, «Меҳрибонлик» ва «Мурувват» уйларига тарқатилади.
Аввалроқ, 8 тоннали паловга кетадиган масаллиқлар ҳақида хабар берилганди.
Изоҳ (0)