Британиялик Кевин Никс дунёдаги энг тезюрар ғилдиракли уйни қурди. Шимолий Ёркширдаги Элвингтон аэродромининг парвоз йўлагида у ғилдиракли уйини 155,8 километр/соат тезликка қадар ҳайдади. Бу ўзининг олдинги рекордидан 13 километр/соатга тезроқ демакдир. Ғилдиракли уйнинг ҳаракати тасвирланган видео Barcroft Cars’нинг YouTube’даги каналига жойлаштирилди, деб хабар берди «Мотор».
Аввалига Никс машинани соатига 160 километрга қадар ҳайдашни режалаштирган, бироқ кучли шамол ва об-ҳавонинг ёмонлиги унга халақит берган.
Никснинг ғилдиракли уйи — 2,8 литрли V6 двигатели ўнатилган Volkswagen Passat бўлиб, унинг кузови металл каркаслар ёрдамида ёғоч уйга ўзгартирилган. Ушбу икки тонналик конструкция тезроқ ҳакатланиши учун Кевин қисқа муддатга 275 от кучига тенг қувватни берувчи қўшимча 200 кучли азот оксиди тизимига эга двигателни ўрнатган.
Изоҳ (0)