Ўзбекистон Ахборот технологиялари ва коммуникацияларини ривожлантириш вазири Шерзод Шерматов Facebook’даги саҳифасида барчани «куннинг асосий янгилиги» билан табриклади. У Президентнинг «Валюта сиёсатини эркинлаштириш бўйича дастлабки чоралар тўғрисида»ги фармонини сўнгги вақтлардаги энг муҳим ҳужжатлардан бири деб атади.
«Энди барча тармоқлар курсдаги фарқ туфайли тарифлар асоссиз тарзда ошиб кетиши олдини олиш учун чоралар кўриши зарур. Мана, масалан, Тошкент шаҳридаги Инҳа университетида ўқиш Марказий банк курси бўйича 5000 доллар. Ҳозирги курс бўйича 1 АҚШ доллари 4210 сўмга тенг. Сўмда бу 21 миллион бўлади. Саросима ва тушунмовчиликлар бўлмаслиги учун ушбу семестрда курс ўзгаришидан қатъи назар сўмдаги айнан шу қийматни белгилаб қўйиш керак. Университет харажатлари кўпайиши — тушунарли ҳолат (чунки чет эллик ўқитувчилар долларда маош олади), аммо биз биринчи навбатда абитуриентлар ва уларнинг ота-оналари учун шароитлар яратишимиз керак», — деб ёзди вазир.
Шерзод Шерматов худди шу тамойилни барча операторлар ва провайдерлар ҳам қўллаши кераклигини қўшимча қилди. «Буни ҳали яна алоҳида муҳокама қиламиз», — дея қайд этди у.
Изоҳ (0)