Оёқ тирноқларидаги замбуруғ – энг кенг тарқалган касаллик. Бу касалликнинг белгилари: бармоқларнинг шишиши, сарғайиши, тирноқларнинг яллиғланиши ва уваланиши. Инфекция анча тез тарқалади ва оғриқ ҳиссини келтириб чиқаради.
Агар одамнинг иммун тизими заиф бўлса, оёқ кафтлари ҳаддан ташқари кўп терласа, шунингдек мунтазам равишда оёқ гигиенасига риоя қилмаса, касалланиш хавфи ошади. Замбуруғ ўз вақтида даволашни талаб қилади, чунки у тирноқларнинг бутунлай йўқолишига олиб келади.
Тирноқлардаги замбуруғни даволашнинг баъзи усуллари ҳақида айтмоқчимиз:
Истеъмол содаси ва натрий борат
Истеъмол содаси замбуруғни даволашнинг энг арзон ва самарали воситаси ҳисобланади. Шунингдек у оёқлардаги ёқимсиз ҳидларни ҳам йўқотади. Натрий борат – касалликни даволашга ёрдам берувчи табиий ишқорли восита.Агар сиз сода ва натрий боратни аралаштириб, уни ҳафта давомида бир кунда икки маҳал зарарланган тирноқларга сурсангиз тез кунларда замбуруғдан қутуласиз.
Апельсин ёғи
Замбуруғга қарши табиий восита. Ҳар куни тирноқларга бу ёғнинг бир томчисини суринг. Агар терингиз таъсирчан бўлса, унда аллергик таъсирлар кузатилиши мумкин. Унга бироз зайтун ёғи қўшиш мумкин. Бошида сизда апельсин ёғига аллергия йўқлигини текшириб кўринг.Чой дарахти ёғи
Антисептик ва замбуруғга қарши курашувчи самарали восита ҳисобланади. Бу ёғни тирноқларингизга суринг, сингишини кутинг ва 10 дақиқадан кейин қуруқ тиш чўткаси билан ишқаланг. Чой дарахти ёғини ҳам бодом ёки зайтун ёғлари билан аралаштириш мумкин.Замбуруғ инфекциясининг олдини олиш унинг кучайишига қарши курашишнинг энг яхши воситасидир. Агар сиз тирноқларингиздаги замбуруғни ўз вақтида даволаш билан шуғуллансангиз, унда ўзингизни бу касалликнинг нохуш оқибатларидан ҳимоя қилишингиз мумкин.
Манба: «Nebolet.com»
Изоҳ (0)