Ўзбекистонда, «Хавфсиз шаҳар» лойиҳаси доирасида, «112» фавқулодда ёрдам хизмати рақамини жорий этилиши мумкин. Бу масала АКТ вазирлигининг кенгайтирилган йиғилишида муҳокама этилди, деб хабар берди «Kommersant.uz».
Бугунги кунда кўплаб мамлакатларда умумий фойдаланиш учун алоқа тармоқлари – хавфсизлик хизмати рақамлари кенг қўлланилмоқда. Ушбу рақамлар орқали қўнғироқ қилувчи ягона қутқарув хизматига тушади, улар, ўз навбатида, жабрланувчиларга тезда маҳаллий қутқарув хизматларига уланиш ва ёрдам олишга кўмаклашади.
Жаҳон тенденциясини инобатга олган ҳолда, Ўзбекистон ҳам шу каби янгиликни жорий этмоқчи. Ягона рақам орқали ҳар қайси ёрдам хизматига уланиш жуда қулай чорадир. Барча мурожаатлар хабарларни қабул қилувчи ягона марказга келиб тушади, сўнг тегишли ваколатли тузилмаларга етказилиб, уларнинг ижроси таъминланади.
Учрашув давомида АКТ вазирлиги, Ўзбекистоннинг ИИВ идоралари ва бошқа масъул тузилмаларга «Хавфсиз шаҳар» лойиҳасини тезкорлик билан амалга ошириш учун зарур чораларни амалга ошириш тайинланди.
Умуман олганда, тизим хавфсизликни таъминлаш, жамоатчилик орасида тартибни назорат қилиш, маълум ҳудудда мониторинг олиб бориш, мурожаат ва фавқулодда вазиятларга зудлик билан эътибор қаратиш ва уларни ҳал этишга ёрдам беради.
Ҳозирча ягона рақамнинг жорий этилиши расмий равишда тасдиқланмаган. Бироқ жаҳон тажрибаси, шу каби рақамлар туфайли хавфсизлик соҳасида эришилаётган ютуқлар бунга туртки бўлиши ҳеч гап эмас. Айни вақтда республикада «01», «02», «03» ва бошқа рақамлар омма орасида кенг тарқалган. Қайд этиш лозим, аксарият мамлакатларда фуқаро «112» рақамига мобил телефонида маблағ бўлмаган, SIM-картаси йўқ бўлган, ҳаттоки блокировка ҳолатида ҳам қўнғироқ қилиши мумкин.
Бугунги кунда 112 рақами — аксарият давлатларда фавқулодда ҳолатларда териладиган асосий рақамдир. Ушбу рақам 1991 йилнинг 29 июлида Швеция ташаббуси ва Европа Иттифоқининг қарорига кўра қабул қилинган.
Изоҳ (0)