Сиз ухлаб ётганингизда иммун тизимининг бактерия ва вирусларга қарши курашишни ўргатишга жавобгар бўлган қисми фаоллашади. Агар сиз тўйиб ухламасангиз иммун тизими унчалик самарали ишламайди. Иммунитет яхши бўлиши учун бир суткада 7-8 соат ухлашингиз керак.
Ҳаракатсиз яшаш тарзи
Жисмоний фаолликнинг етишмаслиги иммунитетни ёмонлаштиради. Спорт билан кам шуғулланадиганлар нафас йўллари касаллиги билан жисмоний фаол одамларга қараганда ўртача олганда 42 фоизга узоқроқ касалланадилар. Ҳар куни ҳеч бўлмаса бир неча жисмоний машқлар бажаришга ҳаракат қилинг.
Ёлғизлик
Агар кўпроқ вақтингизни ёлғизликда ўтказсангиз, сизда норадреналин миқдори кўтарилади. Танг вазиятларда бу гормон яраларнинг битишига ёрдам берувчи оқ қон таначаларининг юзага келишига жавоб беради. Лекин агар норадреналин даражаси узоқ вақт меъёридан ошиқ бўлса, у иммун тизимининг бир қисмини бекитиб қўяди ва сизни инфекция касалликларига чалинишга мойил қилиб қўяди.
Доимий стресс
Агар сиз узоқ вақт давомида қайғурсангиз иммун тизимингиз ёмон ишлай бошлайди. Масалан, стресс ҳолатидаги одамларда шамоллашга чалиниш имконияти сезиларли даражада юқорироқ бўлади.
Яқинларингизнинг кучсиз иммунитети
Узоқ вақт бирга яшаган одамларнинг иммун тизимлари ўзаро ўхшаш бўлиб қолади. Бунга қисман умумий одатлар сабаб бўлади. Агар яқинларингизнинг иммунитети кучсиз бўлса, унда ўзингизникига ҳам эътибор беринг. Балки сиз одатдаги яшаш тарзингизни ўзгартиришингиз лозимдир.
Антибиотиклар
Антибиотикларни иложи бўлмай қолган энг охирги ҳолатларда қўллаш лозим. Улар сизнинг иммун тизимингиз ва бактериялар орасидаги ҳар қандай ўзаро таъсирларни йўқ қилади. Шунинг учун антибиотиклар касалликни тезроқ енгишга ёрдам беради, лекин соғайганингиздан кейин иммун тизимингиз олдингидан кўра касалликка кўпроқ мойил бўлиб қолади.
Изоҳ (0)