АҚШнинг Афғонистон бўйича янги стратегияси афғон халқи манфаатларига хизмат қилмайди. Бу ҳақда мамлакатнинг собиқ президенти Ҳамид Карзай маълум қилди, дея хабар беради «MK.ru».
«АҚШнинг Афғонистондаги вазиятни изга солиш бўйича янги режасига тамомила қаршиман. Бу ҳужжат мамлакатим миллий манфаатларига бутунлай зид. Хусусий ҳарбий корпорацияларнинг Афғонистондаги роли кучайтирилишини ҳам ёқламайман. Бу фақат можаро давом этиши ва кўплаб қон тўкилишига олиб келади», — таъкидлади Афғонистоннинг собиқ раҳбари.
Эслатиб ўтамиз, Дональд Трамп АҚШнинг Афғонистондаги ҳарбий контингенти сақлаб қолиниши ва қўшимча 4 минг ҳарбий жўнатилишини эълон қилганди. «Толибон» ҳаракати ҳам АҚШ президентининг мазкур баёнотини қоралади ва «Американинг биргина аскари қолгунча ҳарбий ҳаракатлар давом этиши»ни билдирди.
Изоҳ (0)