Қовун ейиш учун 5 та сабаб

Қовун таркибида организмнинг нормал фаолият кўрсатишига ёрдам берувчи ва уни саратон, инсульт каби касалликлардан ҳимоя қилувчи витаминлар, минераллар ва бошқа фойдали моддалар мавжуд.

1. Қовун C ва А витаминларига бой

Ҳар қандай навли қовуннинг 100 грамми C витаминининг кундалик эҳтиёж меъёрининг тахминан 20–30 фоизини таъминлайди. Бу витамин тананинг барча тўқималарининг ўсиши ва нормал ҳолатда туриши учун жуда муҳим, шунингдек у яраларнинг битишига, суяклар ва тишларнинг тикланишига ёрдам беради.

А витамини ҳам тишлар ва суяклар, шунингдек тери ва шиллиқ қаватлар соғлиғи учун жуда муҳим. У кўздаги тўр пардани ҳимоя қилади, кўришни яхшилайди.

2. Қовун озишга ёрдам беради

Кўпчилик мевалар ва резавор мевалар каби қовундан ҳам озиш учун фойдаланиш мумкин. Унинг калорияси кўп эмас (100 граммида 35 ккал га яқин), ёғлар эса деярли йўқ. Бундан ташқари унинг таркибидаги сув тўйиш ҳиссини уйғотади, табиий ширинлик эса шоколад ейиш истагини йўқотади.

3. Буйрак касалликларини даволайди

Қовун ажойиб сийдик ҳайдовчи хусусиятига эга. Агар уни эрталабки пайтлар мунтазам равишда истеъмол қилинса, буйраклар соғлом бўлади.

4. Қовун терини соғломлаштиради

Қовун таркибидаги витаминлар терини таранглаштиради ва қаришдан сақлайди. Унинг бундай афзалликларидан кундалик истеъмолга қўшиш ёки унинг бўлакларини юз ва бўйинга 15-20 дақиқа қўйиш орқали баҳраманд бўлиш мумкин.

5. Сочнинг қалин бўлиб ўсишига ёрдам беради

Қовун таркибидаги витаминлар ва фойдали моддалар сочнинг ўсишига ёрдам беради ва унинг тушишини тўхтатади.

Манба: «Лайфхакер»