Пентагон узоқ масофага мўлжалланган қанотли ядро ракеталарини ишлаб чиқиш учун умумий қиймати 1,8 миллиард доллар бўлган икки шартномани имзолади. Бу ҳақда АҚШ Ҳарбий-ҳаво кучлари вакили Хизер Уилсон маълум қилди, дея хабар беради «Коммерсант.ru».
Ҳар бири 900 миллион доллардан бўлган икки келишув Lockheed Martin ва Raytheon корпорациялари билан тузилди.
Улар 4,5 йил мобайнида узоқ масофага учувчи ва душман ракетага қарши тизимидан ўтишга қодир, ядровий каллаклар билан қуролланган янги қанотли ракетасини яратиши зарур. Таҳлил ва таққослардан сўнг улардан бири билан ракеталарни ишлаб чиқариш юзасидан янги келишув имзоланади.
ҲҲК жами 1 000 дона шундай ракета харид қилишни режалаштирмоқда, дастурнинг умумий қиймати 10 миллиард доллардан иборат. Янги ракеталар 2030 йилда тайёр бўлиши зарур.
Изоҳ (0)