Бувиларимиз таъкидлаганидек, ҳақиқатан ҳам сочларни қуритмасдан ухлаш зарарли экан. Қуйида сизга бунинг уч сабабини келтирамиз.
Фото: Depositphotos
Астма ва аллергия
Агар сиз ҳўл сочлар билан ухлашга ётсангиз, намликнинг катта қисми ёстиққа сингиб кетади. Сочларингиз тез қурийди, лекин ёстиқ ичидаги синтепон, пахта ёки парга сингиб кетган намлик қуримасдан узоқ вақтгача сақланиб қолади. Ва бу илиқ муҳит ичида замбуруғлар ва бактериялар фаол равишда кўпая бошлайди. Бир неча ойдан кейин эса сиз замбуруғ споралари билан нафас ола бошлайсиз. Агар ёстиғингизни алмаштирмасангиз, сизда бронхиал астма касаллиги пайдо бўлиши мумкин.
Қазғоқ ва соч тўкилиши
Эсингизда бўлса, бундан 30-40 йиллар илгари бошда қазғоқ пайдо бўлиши оддий ҳол ҳисобланар эди. Ҳозирги вақтда унинг пайдо бўлиши камдан-кам ва ташвишга тушишга сабаб бўладиган воқеа ҳисобланади. Инсониятнинг қазғоқ устидан ғалаба қилишида сочни қуритувчи фенлар муҳим роль ўйнайди. Гап шундаки, қазғоқни келтириб чиқарувчи Malassezia Furfur деб аталувчи замбуруғ бош терисида ҳар доим яшайди. У ҳамма замбуруғлар сингари нам муҳитда тез кўпая бошлайди. Мунтазам равишда ҳўл сочлар билан ухлашга ётиш билан сиз бу замбуруғларнинг кўпайишига шароит яратиб берган бўласиз.
Бўйиндаги оғриқлар ва мигрень
Сувнинг иссиқлик ўтказувчанлиги ҳавоникига қараганда 23 марта юқорироқдир. Агар сиз сочларингизни қуритмасдан ухлашга ёцангиз, унда бошингизнинг ёстиқдаги томони компресс режимида исиб туради. Бошингизнинг иккинчи томони эса совийди, чунки барибир хона ҳарорати тана ҳароратидан пастроқ бўлади. Бутун кеча давомида мушакларнинг бундай ҳолатда исиб ёки совиб туриши уларнинг қисилишига олиб келади, натижада эрталаб сизни бўйиндаги ёки бошдаги қаттиқ оғриқлар безовта қилади.
Изоҳ (0)