Эрон суди АҚШдан 1980—1988 йиллардаги Эрон-Ироқ уруши вақтида президент Саддам Ҳусайн қўшинлари кимёвий қурол қўллаган ҳолда берган зарбалардан жабрланганларга товон пули тўлашни талаб қилди, деб ёзади «Коммерсантъ». Эрон ҳукумати товон пули миқдорини 245 миллион доллар деб белгилади.
«Кимёвий қурол иштирокидаги бомбардимонлардан жабрланганлар даъво аризаларини берди, суд эса жабрланган ёки вафот этган 18 нафар фуқаро бўйича қарор қабул қилди», — деди Эрон суди вакили.
Нашр эслатишича, Эрон-Ироқ уруши чоғида АҚШ Ироққа кўмак берган. Кўмак иқтисодий ёрдам ва Ироқ армиясига қурол-яроғ етказиб беришдан иборат бўлган. АҚШ сенати урушдан кейин эълон қилган ҳужжатларда етказиб берилган қурол-яроғлар орасида БМТ экспертлари томонидан Ироқ кимёвий қуроллари қолдиқларидан топилган микроорганизмлар ва материалларга ўхшаш нарсалар бўлган. Бу қуролдан Саддам Ҳусайн армияси Эронга қарши жанговар ҳаракатларда фойдаланган.
Изоҳ (0)