Тошкентда қиз-неварасига тегажоқлик қилган шахс қизнинг йигити томонидан ўлдирилди. Бу ҳақда «Ўзбекистон 24» телеканали хабар берди.
Хабар беришларича, йигитга унинг дўсти ҳам «ёрдам берган» — икки йигит қизнинг бобосини уриб ва бўғиб ўлдириб, унинг гиламга ўралган жасадини болохонада қолдирган.
Гумонланувчилар Ўрта Чирчиқ туманининг тоғли дам олиш жойида қўлга олинган. Тергов маълумотларига кўра, қиз 2000 йилда туғилган, ҳар иккала йигит эса 1997 йилда таваллуд топган.
Мазкур ҳолат юзасидан жиноят иши қўзғатилган, тергов-суриштирув ҳаракатлари олиб борилмоқда.
Изоҳ (0)