АҚШ КХДР томонидан қилинаётган таҳдидларга қарши туриш учун Жанубий Корея ҳудудига такомиллаштирилган Patriot ракетага қарши комплексни жойлаштирди. Бу ҳақда KBS телеканалига таяниб, «РИА Новости» хабар берди.
Маълумотларга кўра, АҚШ қуруқлик кучларининг Жанубий Кореядаги бригадаси янги Patriot ракета қурилмасини олган. Ҳарбий хизматчиларга комплексдан фойдаланиш ўргатилади. Бунинг учун янги комплексларнинг синовлари ўтказилган, уларни такомиллаштириш учун саккиз ой сарфланган.
Бригадада 12 та PAC-2 ва PAC-3 зенит ракета қурилмаси бор. Биринчи комплексда тўртта ракета, иккинчисида 16 та ракета ўқланган.
Изоҳ (0)