Эрон ва Россия БМТ Хавфсизлик кенгашининг БМТ мамлакатлари учун Эрон оғир ҳужумкор қурол-яроғларини етказиб бериш ва уларга хизмат кўрсатишни тақиқловчи резолюциясини бузган. Бу ҳақда Welt am Sonntag газетаси Ғарб махсус хизматларидаги манбаларига таяниб хабар берди, деб ёзади «РБК».
Нашр қайд этишича, шу йилнинг июнида Эрон самолётлари икки марта Суриядаги Россия авиация гуруҳи жойлашган Хмеймим аэропортига қўнган. Эрон самолётлари оғир қурол-яроғларнинг қисмларини етказиб берган, улар кейинроқ юк машиналарида Ўртаер денгизидаги Тартус портига етказилган. У ерда улар Россиянинг «Спарта III» кемасига ортилган, у эса ҳарбий юк билан Новороссийскка етиб борган.
Германия нашри таъкидлашича, уларнинг қўлига келиб тушган суратда Эроннинг Хмеймимдаги самолёти акс этган. Сурат қачон олингани кўрсатилмаган.
Газета Россия ва Эрон БМТ Хавфсизлик кенгашининг 2015 йил июнида қабул қилинган 2231-резолюциясини бузганини даъво қилмоқда. Резолюция Эрон ядро муаммосини ҳал қилиш бўйича Биргаликдаги кенг қамровли ҳаракатлар режасини кучга киритади.
Welt, шунингдек, августда Теҳронга Россия бош вазири ўринбосари Дмитрий Рогозин бориб келганини ҳам тилга олди, у Эрон мудофаа вазири Ҳусайн Деҳқон билан мамлакатлар ўртасидаги «ҳарбий технологик ҳамкорликни мустаҳкамлаш ҳақида дастлабки битим»ни имзолаган.
Изоҳ (0)