Кениянинг амалдаги президенти Ухуру Кениата умумий сайловларда 54,27 фоиз овоз тўплаб ғолибликни қўлга киритди. Бу ҳақда Reuters агентлиги сайлов комиссия раиси Вафула Чебукатига асосланиб маълум қилди, деб хабар берди «РИА Новости».
Агентлик маълумотига кўра, Кениатанинг рақиби, мамлакат собиқ бош вазири Раила Одинга 44,74 фоиз овоз тўплаган. Шундай қилиб амалдаги президент, иккинчи беш йиллик муддатга қайта сайланди.
Аввалроқ, Кения мухолиф коалицияси сайловларнинг дастлабки натижаларини инкор этган эди. Одинга сайлов комиссиянинг маълумотлар базаси хакерлик ҳужумига учрагани сабаб умумий сайлов натижалари ўзгартирилган дея маълум қилганди. Бироқ Кения мустақил сайлов комиссияси ушбу эътирозни рад этди.
Изоҳ (0)