Афғонистондаги Фарёб вилоятининг Давлатобод туманида юз берган миномёт отишмасида камида 16 киши ҳалок бўлди, уларнинг 10 нафари болалар. Бу ҳақда «Газета.ru» хабар берди.
Хабар берилишича, хавфсизлик кучлари туман ҳудудида назорат-ўтказиш пунктини ўрнатган, бироқ «Толибон» жангарилари уларга халақит беришга уринган.
Натижада қуролли тўқнашув бошланган. Бироқ одамларнинг ўлимига сабаб бўлган снарядни ким отгани номаълум.
Маҳаллий расмийларнинг маълумотларига кўра, ҳалок бўлганлар тинч аҳоли вакиллари бўлган. Шунингдек, отишма оқибатида уч нафар ёш бола ва битта аёл жароҳат олган, улар касалхонага жойлаштирилган.
Изоҳ (0)